МҮШЕЛІК ТУРАЛЫ ЕРЕЖЕСІ

1. Жалпы ережелер

1.1. 1.1. Академия мүшесі болып келесі тұлғалар қабылданады:
– Академия Жарғысын мойындайтын және сақтайтын, мүддесі үшін Академия құрылған міндеттерді шешуге және мақсаттарға қол жеткізуге қатысатын және жәрдемдесетін, сондай-ақ қажетті жарналарды уақытылы енгізген Қазақстан Республикасының азаматтары, шетелдіктер мен азаматтығы жоқ тұлғалар;
– қоғамдық бірлестіктің ұйымдық-құқықтық нысанындағы, қатысуы қолданыстағы заңнамаға қайшы келмейтін, Академияның жарғылық мақсаттарын алға қоятын, оның жарғылық міндеттерін іске асыруға жәрдемдесетін және қажетті жарналарды уақтылы енгізетін заңды тұлғалар. Заңды тұлғалар Академияға мүшелікті өзінің өкілетті өкілі (әдетте бірінші басшы) арқылы жүзеге асырады.

1.2. Академияның құрамында Академияның барлық мүшелерін кәсіби белгісі бойынша топтастыратын секциялары болады. Секциялар Төралқаның қаулысымен құрылады..

1.3. Академия құрамынан нақты мүшелер және қауымдасқан мүшелер сайланады:
– академияның нақты мүшелері болып тиісті секцияның біліктілік талаптарына сай келетін кинематографистер сайланады;
– қауымдасқан мүшелер болып біліктілік мәртебесі нақты мүшелікке қабылдау талаптарына жауап бермейтін Қазақстан кинематографистері қабылданады;
– заңды тұлғаның өкілі Академияның нақты мүшесі болып танылады.

1.4. Секция жетекшілері Академияның нақты мүшелері қатарынан Төралқа қаулысымен тағайындалады. Секция жетекшілері Академияға мүшелігі бойынша секцияның кәсіби бейініне сәйкес біліктілік талаптарын Төралқаның бекітуіне ұсынады.

2. Академия мүшелігіне қабылдау тәртібі

2.1. Төралқа Академияның нақты мүшелерінен 3 адамнан тұратын Қабылдау комиссиясының құрамын анықтайды.

2.2. Төралқа жылына бір рет сайланады. Төралқа Академияның нақты мүшелігіне кандидатты қабылдау туралы шешім қабылдайды және оған ресми шақыру жібереді.

2.3. Академияның қауымдасқан мүшелігіне қабылдау Академияның кез келген екі мүшесінің (нақты немесе қауымдасқан) мәртебесіне қарамастан, қоса берілген ұсынымдары бар кандидаттың жеке өтініші негізінде жүзеге асырылады. Өтініштер Қабылдау комиссиясына беріледі. Қабылдау комиссиясы берiлген өтiнiштердiң секциялардың бiлiктiлiк талаптарына сәйкестiгiн анықтайды және кандидатураларды жылына бiр рет Төралқаның қарауына бередi. Төралқа Академияның қауымдасқан мүшелігіне кандидатты қабылдау туралы шешім шығарады және оған бұл туралы хабарлайды.

2.4. Академияның жаңа мүшелерін қабылдау туралы шешім жыл сайын 1 тамыздан кешіктірілмей шығарылады.

2.5. Академия мүшесі түсу және мүшелік жарналарын тиісті жылдың 25 желтоқсанынан кешіктірмей белгіленген тәртіппен енгізеді. Академияның нақты мүшесі үшін түсу жарнасының мөлшері 2 АЕК-ті құрайды; кейінгі жыл сайынғы мүшелік жарналар мөлшері 1 АЕК-ті құрайды. Академияның қауымдасқан мүшесі үшін кіру жарнасының мөлшері 1 АЕК-ті құрайды; қауымдасқан мүше жыл сайынғы мүшелік жарналардан босатылады.

2.6. Академия мүшесіне Төралқа бекіткен белгіленген үлгідегі мүшелік билет беріледі.

2.7. Заңды тұлғалар Академияға кіру туралы өтінішхатты басшының қолымен ұсынады және кіру жарнасын енгізеді. Заңды тұлғаның түсу және жыл сайынғы жарналарының мөлшерін Академия Төралқасы белгілейді. Жарналар саралануы мүмкiн және тараптардың өзара келiсiмi бойынша түпкiлiктi айқындалады.

2.8. Заңды тұлғалар ұйымның Академияға қатысуын куәландыратын сертификат алады.

2.9. Академия мүшелерiнiң әрқайсысы мүшелікті тоқтату шешiмi туралы академиядан шыққанға дейiн бiр айдан кешiктiрмей Төралқаға жазбаша хабарлап, Академиядан шыға алады.

2.10. Өз міндеттерін жүйелі түрде орындамайтыны немесе тиісінше орындамайтыны не өз іс-әрекеттерімен Академия мақсаттарына қол жеткізуге қасақана кедергі жасайтыны дәлелденген Академия мүшесі Академия мүшелерінің жалпы жиналысының шешімі негізінде Академия мүшелерінің қатарынан шығарылуы мүмкін. Бұл ретте Академияның шығарылатын мүшесі (немесе оның өкілі) дауыс беруге қатыспайды. Академиядан шығару бойынша дауыс беру оның нақты мүшелерінің арасында ғана өткізіледі.