ЖАРҒЫСЫ

1. Жалпы ережелер

1.1. Бұдан әрі «Академия» аталатын «Ұлттық кинематографиялық өнер және ғылым академиясы» қоғамдық бірлестігі осы Жарғыда көрсетілген ортақ мақсаттарға қол жеткізу үшін азаматтардың және (немесе) заңды тұлғалар – саяси партиялардан өзге қоғамдық бірлестіктердің бірігуі арқылы құрылған қоғамдық бірлестік түріндегі бейкоммерциялық үкіметтік емес ұйым болып табылады.
1.2. Академия өзінің жарғылық мақсаттарын орындай отырып, Қазақстан Республикасының Конституциясы, Қазақстан Республикасының Азаматтық кодексі, Қазақстан Республикасының «Қоғамдық бірлестіктер туралы» Заңы, Қазақстан Республикасының «Бейкоммерциялық ұйымдары туралы» Заңы, сондай-ақ өзге заңнамалық актілерің, осы Жарғының негізінде әрекет етеді, өз қызметінде жалпымойындалған халықаралық қағидаларды, нормалар мен стандарттарды басшылыққа алады.
1.3. Академияның қызметі еріктілік, барлық мүшелерінің теңдігі, өзін-өзі басқару, заңдылық және жариялылық қағидаларына негізделеді.
1.4. Академияның атауы:
толық:
— қазақ тілінде: «Ұлттық кинематографиялық өнер және ғылым академиясы» қоғамдық бірлестік;
— орыс тілінде: Общественное объединение «Национальная академия кинематографических искусств и наук»;
— ағылшын тілінде: National Academy of Motion Picture Arts and Sciences;
қысқартылған:
— қазақ тілінде: «Ұлттық киноакадемия» ҚБ;
— орыс тілінде: ОО «Национальная киноакадемия».
— ағылшын тілінде: National Film Academy.
1.5. Академия табыс табуды өзінің негізгі мақсаты тұтпайды оны өз мүшелерінің арасында үлестірмейді.
1.6. Мемлекеттік тіркеуден кейін Академия заңды тұлға болып табылады, дербес меншігі бар және өз міндеттемелері бойынша осы мүлкімен жауап береді, өз атынан мүлікті сатып ала алады және өзге мүліктік және жеке мүліктік емес құқықтарды іске асыра алады, сотта жауапкер мен талапкер бола алады.
1.7. Академия мемлекеттік және мемлекеттік емес ұйымдармен ынтымақтаса және әрекеттесе алады, олармен келісімдер мен шарттар жасаса алады, олар үшін заңнамамен көзделген белгілі бір жұмыстарды атқара алады.
1.8. Академия осы Жарғымен анықталған мақсаттар мен міндеттерді материалдық қамсыздандыру үшін өндірістік, шаруашылық және өзге қызмет түрлерімен айналысатын меншікті және бірлескен кәсіпорындарды, мекемелерді, ұйымдарды құра алады.
1.9. Академия мүшелері Академияның міндеттемелері бойынша өз мүлкімен жауап бермейді, ал Академия өз мүшелерінің міндеттемелері бойынша жауап бермейді.
1.10. Академияның дербес теңгерімі, есептік және басқа шоттары, соның ішінде валюталық шоттары, атауы көрсетілген мөрі, мөртаңбалары мен бланкілері бар.
1.11. Академия жергілікті қоғамдық бірлестігі мәртебесіне ие болып, өз қызметін Алматы қаласының аумағында жүзеге асырады.
1.12. Академияның орналасқан жері: Қазақстан Республикасы, Алматы қаласы, Медеу ауданы, көшесі КАБАНБАЙ БАТЫР, үй 96, пәт. 117, пошта индексі 050010

2. Академияның мақсаттары, міндеттері мен түрлері

2.1. Академия қызметінің мақсаттары:
— Қазақстан Республикасында киноөнерін қолдау және дамыту (киноөнері деп кинотеатрларда, теледидар арқылы көрсету және өзге үлгілерді ойнату үшін кез келген жанрдағы аудиокөрнекі туындыларды түсіру түсініледі);
— қазақстандық және халықаралық көрермендер арасында қазақстандық киноөнердің ең үздік туындыларын насихаттау;
— киноөнер саласында жұмыс істейтін қазақстандық мәдениет, өнер және білім қызметкерлерін олардың шығармашылық және кәсіби мүдделерін қолдау мен қорғау мақсатында біріктіру;
— қазақстандық және шетелдік ұйымдармен және киноөнер қайраткерлерімен ынтымақтасу;
— Қазақстан Республикасы халқының кинематографиялық дәстүрлерін сақтап қалу мен көбейту мақсаттарында кинематографиялық өнер және ғылыми саласында кәсіби шығармашылық қызметке қолдау көрсету;
— кино және телевизия саласында жұмыс істейтін қазақстандық мәдениет, өнер қызметкерлерін және эстетика, мәдениеттану, әлеуметтік психология, философиялық антропологиямен айналысатын, әлем мәдениетінінің тарихын және өнертанудың тарихи-теориялық мәселелерін зерттеумен айналысатын ғылыми қызметкерлерді олардың шығармашылық және кәсіби мүдделерін қолдау мен қорғау үшін біріктіру;
— отандық және әлемдік киноөнердің шығармашылық тәжірибесін зерттеу және жалпылау, киноөнердің тарихы мен теориясының өзекті мәселелері бойынша зерттеулер жүргізу;
— кәсіби кинематографиялық білім беру мен эстетикалық тәрбиелеу теориясы мен тәжірибесін жетілдіру, жоғарыбілікті шығармашылық кадрларды даярлау;
— отандық және әлемдік киноөнердің шығармашылық тәжірибесін зерттеу және жалпылау, киноөнер тарихы мен теориясының өзекті мәселелері бойынша зерттеулер жүргізу;
— кинематорграф және оның өнер мен озық технологиялар саласындағы жетістіктерін насихаттау;
— киноөнер саласында мәдени, білім беру және технологиялық ілгерілеу үшін кино мен телевизия саласының үздік шеберлерінің арасындағы ынтымақтастықты көтермелеу;
— қазақстандық және әлемдік киноөнердің көрнекті жетістіктерін насихаттау;
— кинематографияның технникалық қорын жақсарту мен әдістерін жетілдіру үшін техникалық саладағы ынтымақтастықты дамыту;
— кинематографиялық үдерістің әртүрлі мәселелері бойынша дөңгелек үстелдер мен пікірталастар ұйымдастыру.
2.2. Академияның қызметінің пәні:
— киноөнер, кинематография, телевизия және академиялық гуманитарлық пәндер саласында ғылыми зерттеулер жүргізу және оларды қаржыландыру;
— кино, телевизия және киноқалыптастыру саласындағы шығармашылық жетістіктер үшін Академия атынан марапаттар, сыйлықтар, естелік төсбелгілерді тағайындау және тарту ету;
— отандық киномұрағат пен киноқорды сақтау мен дамытуға бағытталған іс-шаралар мен ғылыми зерттеулерді жүргізу және қолдау;
— кинематографиялық және өзге мұражайларды құру мен қолдау жұмыстарын жүргізу;
— кинематография саласында авторлық құқық пен шектес құқықтарды, мұрагерлік құқықтарын қорғау жұмыстарын жүргізу;
— киноөнердің қазақстандық шеберлерімен жасалған кино туындыларды Қазақстан Республикасына қайтару жөніндегі іс-шараларды жүргізу;
— өзінің шығармашылық, білім беру, көрнекілік, технологиялық деңгейі бойынша, сондай-ақ тұтынушылық әлеуеті бойынша маңызды кино туындыларды түсіруге қатысу;
— кино және телевизия саласында отандық кәсіби білім беру жүйесін құруды ұйымдастыру және қатысу, қазақстандық өнер және кино түсіру қызметкерлері үшін, соның ішінде шетелде кәсіби қайта даярлау мүмкіндіктерін жасау;
— кино және телевизия саласындағы кәсіби қыметтің беделін көтеру және жаңа этиканы қалыптастыру жұмыстарын жүргізу;
— Академияның тақырыбы бойынша жарнамалық-баспалық, ғылыми, сараптамалық және сабағаттық қызметті қолданыстағы заңнамаға сәйкес жүзеге асыру;
— кино өндірісі саласында өздігінен жүргізілген және қолданыстағы заңнамамен анықталатын шекте ішкі және әлемдік нарықтардағы барлық мүдделі ұйымдар мен тұлғаларға ұсынылған ғылыми-техникалық әзірленімдер, «ноу-хау», патенттер, үлгілердің енгізілуін және іске асырылуын ұйымдастыру;
— кино- және телеөндіріс және кино- және телекөрсетілім саласында олардың іске асырылуының орындылығы мен экономикалық тиімділігі туралы қорытындының берілуімен, инвестициялық жобалар мен келісім-шарттарды талдау, тәуелсіз сараптама жүргізу;
— барлық мүдделі тұлғалар үшін ашық ақпараттық кеңістік қалыптастыру мақсатында Академияның қызметіне қатысты мәселелер бойынша ақпараттық деректер қорын құру;
— кино және телевизия саласында кәсіби білік беру, өнер, мәдениет және білім беру саласының қазақстандық қызметкердеоіг кәсіби қайта даярлау жүйесін дамыту;
— кино саласында, соның ішінде халықаралық бағдарламалар аясында оқу орталықтарын, оқу орындарын, семинарларды, мамандарды даярлау және біліктілігін арттыруды ұйымдастыру;
— кинематография және телевизия саласындағы көркемшығармашылық білім беру, педагогикалық қызмет;
— балалар мен жасөспірімдердің ұлттық және әлемдік кинематография жетістіктеріне, классикалық білім беруді қайта жаңғыртуға тарту;
— кино және телевизия саласындағы қоғамдық бастамаларды қолдау, соның ішінде жастардың әлеуметтік-маңызды бастамаларын қолдау, халық дәстүрлерін жаңғыртуға, тарих пен мәдениет ескерткіштерін, ландшафттар, ескерткіштер мен есте қалаларлық жерлерді құтқару мен сақтап қалуға белсенді қатысуына тарту, Академия қызметімен байланысты жобаларды іске асыруда, шығармашылық өсімде дарынды жастарға көмек көрсету;
— жас дарынды кинематографшылардың әртүрлі тәжірибеден өтуін ұйымдастыру;
— қазақстандық кинематографияны жаңғырту мен дамытуға, кинематография және телевзия саласындағы қайырымдылық, меценаттық және демеушілікті ынталандыру және дамыту шараларын жүзеге асыруға бағытталған жобалар мен бағдарламаларды іске асыру үшін ішкі және сыртқы инвестициялар, қайырымдылық салымдар мен қайырымдарды тарту және ынталандыру;
— халық дәстүрлерін жаңғыртуға бағытталған іс-шараларды жүргізу;
— мамандандырылған мекемелер мен ұйымдар желісі – киномектептер, киностудияларды қолдау және дамыту;
— әлемдік танымалдылыққа ие кинофильмдердің бүтіндігі мен сақталуын қамтамасыз ету жөніндегі жұмыстарды қаржыландыру;
— құнды кинематография объектілерін қайта құру мен қалпына келтіруге қатысу;
— Академияның қызметімен байланысты фестивальдер, конкурстар, форумдар, көрмелер, семинарлар, симпозиумдар мен басқа мәдени, ғылыми және кәсіби оқиғаларды ұйымдастыру және жүргізу;
— қазақстандық кинематографшылардың шығармашылық жетістіктерін насихаттау;
— кино туындыларын түсіру, өндіру және тарату, соның ішінде Интернет желісінде тарату мәселелері бойынша ұсыныстарды орнатылған тәртіпте сәйкес органдарға енгізу;
— дебюттік немесе пилоттық жобалар болып табылатын, кино саласындағы Интернет-жобаларды қолдау;
— киноөнердің дамуына айтарлықтай үлес қосқан мәдениет және өнер, ғылым мен мәдениет саласындағы көрнекі қайраткерлерге құрмет атақтарын, марапаттарды тағайындауды бастамалау, ұйымдастыру және өтінімхаттарды қолдау;
— меншікті баспа органдарын құру, әртүрлі жанрлар мен түрдегі тақырыптық әдебиет, кітаптар, шағын кітапшалар, альбомдар, аудиокөрнекі және желілік өнімдерді басып шығару және тарату;
— Академияның веб-сайтын ашу;
— қазақстандық кино өндірістің шаруашылық етуші субъектілерінің, кинопрокат пен телевизиясының сыртқы нарықта қызметті жүзеге асыру үдерісінде тәуелсіздігі мен дербестігінің қажет құқықтық және әлеуметтік кепілдіктерін қалыптастыру мен қамтамасыз етуге қатысу;
— киноөнер, телевизия және кинематография мәселелері бойынша тұрақты әрекет ететін дөңгелек үстелдерді ұйымдастыру;
— кино өндірісі, кинопрокат және кино түсіру саласында халықаралық байланыстардың орнатылуына жәрдемдесу;
— Академияның тақырыбы бойынша жарнамалық-баспалық, ғылыми, сараптамалық және сабағаттық қызметті қолданыстағы заңнамаға сәйкес жүзеге асыру, кең ауқымды сарапшылық қызметтерді көрсету;
— кинематографияның өзекті мәселелері бойынша қоғамдық пікір қалыптастыру жөніндегі іс-шараларды жүргізу;
— Қазақстан Республикасының нормативтік құқықтық актілеріне өзгертулердің енгізілуін бастамалау және кино мен телевизияның дамуына жәрдемдесетін жаңа нормативтік құқықтық актілерді қабылдау;
— маркетингтік коммуникациялар жүйесінің қалыпты қызметі үшін қажет деректен банкін ұйымдастыру, Академия мүшелерінің қызметі мен меншікті қызметті оңтайландыру мақсатында компьютерлік және өзге ішкі және халықаралық желілер мен деректер банктерін пайдалану;
— барлық мүдделі тұлғалар үшін ашық ақпараттық кеңістікті қалыптастыру мақсатында Академияның қызметіне қатысты мәселелер бойынша ақпаратты деректер қорын құру;
— кинематография және телевизия саласында әрекет ететін халықаралық және ұлттық ұйымдармен ынтымақтастық жүйесін дамыту және жан-жақты байланыстарды жүзеге асыру;
— Қазақстан Республика халқының кинематография және телевизия шеберлерімен арада тарихи қалыптасқан мәдени байланыстарды жан-жақты дамыту;
— кинематография шеберлері мен жас дарындардың тәуелсіздігі мен дербестігінің, шығармашылық ізденіс еркіндігінің құқықтық және әлеуметтік кепілдіктерін қалыптастыру мен қамтамасыз етуге қатысу;
— Академия мақсаттарына қол жеткізуге жәрдемдесетін шаруашылық қызметті жүзеге асыру барысында экспорттық-импорттық операцияларды жүргізу;
— кинематография өнімдері мен мәдени құндылықтарды сақтау, құру, тарату мен игеру үшін қажет материалдар, жабдықтар мен басқа құралдарды өндіру жұмыстарын жүргізу;
— халықаралық мәдени алмасу, көрмелер, аукциондар, конкурстарды ұйымдастыру;
— кино- және телеөнімдерді құру мен тарату үшін қажет материалдар, жабдықтар мен басқа құралдарды өндіруді ұйымдастыруға қатысу;
— қолданыстағы заңнамамен анықталатын тәртіпте кинофильдерге құқықтарды сатып алу;
— кино- және телефильдерді өндіру, тираждау және тарату жұмыстарын жүргізу;
— ұлттық киностудияларды құру мен қолдауға қатысу;
— кино және телевизия қызметкерлеріні, кинофильм өндірушілерінің құқықтарын қорғау;
— кинематография және телевизия қызметкерлерін материалдық қамсыздандыру және әлеуметтік қолдау мәселелерін шешуге қатысу;
— халықаралық шығармашылық байланыстарды кеңейтуде Академия мүшелеріне жәрдемдесу;
— көркемөнер (әуесқой) киношығармашылықты дамыту;
— әуесқой киноөнер саласындағы азаматтардың қызметін көтермелеу және ынталандыру;
— кинематография ұйымдарының материалдық-техникалық қорының дамуына жәрдемдесу;
— жеке меншіктегі кинофильмдерді сақтау және пайдалану жөніндегі іс жүзіндегі жан-жақты көмек көрсету;
— қолданыстағы заңнамамен анықталған тәртіпте мәдени қызмет саласындағы делдалдық қызмет, кинематографиялық білім беру, мәдениет, көрме қызметі саласында делдалдық қызметтерді көрсету;
— жан-жақты халықарадық байланыстарды дамыту жөніндегі іс-шараларды жүзеге асыру;
— Қазақстанда киноиндустрия, кино мәдениеті және телевизияны дамыту саласында кәсіби қауымдастық құру;
— кино- және телеөндірісті дамыту мақсаттарында сабағаттық және кеңес беру сипатындағы мәселелерді шешу;
— гуманитарлық ынтымақтастық мәселелерін шешуге қатысу, осындай ынтымақтастық нысандары мен әдістерін дамыту;
— киноөнерді дамытуға бағытталған бағдарламалар мен жобаларды басым қаржыландыруды жүзеге асыру;
— іскерлік кездесулерді жүргізу, бизнес-клубтар мен өзара тиімді байланыстардың орнатылуы мен дамытылуына жәрдемдесетін басқа құрылымдарды ұйымдастыру үшін жағымды жағдайдың жасалуын қамтамасыз ету;
— Академияның бағдарламалары мен жобаларын қаржыландырудың жаңа бюджеттен тыс көздерін ұйымдастыру және құру;
— кино және киноөндірісті дамыту мәселелері бойынша іскерлік кездесулер, конференциялар, дөңгелек үстелдер, көрмелерді ұйымдастыру;
— Академияның жобаларын бірлесін іске асыру үшін шетелдік инвесторларды, продюсерлер мен менеджерлерді тарту және ынтымақтасу жүйесін құру және дамыту;
— кино- және телеөндіріс, кино- және телекөрсетілім саласында, кино және телевизия нарығында өз қызметін жүзеге асыратын шетелдік заңды және жеке тұлғаларға іскерлік қолдау көрсету және мүдделерін өкілдеу;
— шетелде қазақстандық ұйымдардың мүдделерін өкілдеу;
— Академия мүшелеріне жеңілдіктер бойынша кең ауқымды қызметтер көрсету;
— жобаларды әзірлеу және сыртқыэкономикалық байланыстардың жаңа нысандарын ұйымдастыру;
— Академия мүшелері шетелдік серіктестермен бірлесіп құратын кәсіпорындарды ұйымдастыру, қалыптасыру мен қызмет етуіне жан-жақты көмек көрсету;
— Академия мүшелеріне материалдық қолдау көрсету қорын құру;
— Қазақстанда өзінің шығармашылық, білім беру және технологиялық деңгейі бойынша, сондай-ақ тұтынушылық әлеуеті бойынша маңызды мәдениет, өнер және білім беру туындыларын жасауға қатысу;
— кино және телевизия саласында туындыларды құру, өндіру, тарату, осы салаларда жұмыс істейтін тұлғалардың әлеуметтік және кәсіби құқықтары мен мүдделерін құқықтық қорғау мәселелері бойынша орнатылған тәртіпте сәйкес органдарға ұсыныстар енгізу;
— кино және телевизия саласында отандық мамандардың кәсіби қызметі үшін оңтайлы жағдайдың жасалуына жәрдемдесу;
— ең жаңа технологиялық жетістіктердің негізінде әртүрлі ақпараттық бағдарламалар мен жүйелерді құру;
— кино мен телевизияны дамытуға бағытталған бағдарламалар мен жобаларды басым қаржыландыруды жүзеге асыру;
— шетелде қазақстандық кинематографты қолдау клубтарын құру және ұйымдастыру, кең ауқымды тұсаукесерлер өткізу;
— мәдени, сауық, ағарту қызметін ұйымдастыру.
Академия Қазақстан Республикасының қолданыстағы заңнамасымен тыйым салынбаған және оның мақсаттары мен міндеттеріне сәйкес келетін өзге қызмет түрлерін жүзеге асыра алады.

3. Академияның құқықтық мәртебесі

3.1. Академия заңды тұлға болып табылады, меншік құқығында дербес мүлкі бар, дербес теңгерімі, банк мекемелерінде және басқа несие ұйымдарында есептік және өзге шоттары, соның ішінде валюталық шоттары, қазақ, орыс және ағылшын тілдеріндегі атауы көрсетілген мөртаңбалары бар.
3.2. Академия өз атынан шарттарды жасасуға, мүліктік және жеке мүліктік емес құқықтарды иеленуге және міндеттерді атқаруға, сотта талапкер мен жауапкер болуға, қолданыстағы заңнамаға қайшы келмейтін басқа әрекеттерді жүзеге асыруға құқылы.
3.3. Академия өз міндеттемелері бойынша қолданыстағы заңнамаға сәйкес өндіріп алуға жүгінуге болатын өзіне тиесілі бүкіл мүлкімен жауап береді. Академия мемлекет пен өз мүшелерінің міндетемелері бойынша жауап бермейді, дәл осылай мемлекет пен Академияның мүшелері Академияның міндеттемелері бойынша жауап бермейді.
3.4. ААкадемия пайда табуды мақсат тұтпайды және өз қызметінен түскен пайданы Академия мүшелерінің арасында үлестірмейді, ал алынған құралдар Академияның жарғылық мақсаттары мен міндеттерін жүзеге асыруға жұмсалады.
3.5. Академияның құқықтық жағдайы қолданыстағы заңнамамен және осы Жарғымен анықталады.
3.6. Академия құқылы:
3.6.1. әртүрлі мәмілелерді, соның ішінде жарғылық міндеттерді шешу мақсатында қазақстандық және шетелдік кәсіпорындармен, ұйымдармен және жеке тұлғалармен сыртқыэкономикалық және өзге заңды актілерді жасасу;
3.6.2. күрделі салымдарды, айналымдағы құралдарды, ғылыми және шығармашылық әзірленімдерді банк мекемелерінде, ұйымдарда, мекемелерде, кәсіпорындарда, кооперативтер мен жеке тұлаларда, шетел банктері мен фирмаларда қолданыстағы заңнамамен анықталған тәртіпте қаржыландыру үшін несиелер алу;
3.6.3. қорғау құжаттарын, технологиялар, «ноу-хау» және басқа техникалық құжаттаманы иелену мен пайдалану құқықтарын иелену және ұсыну;
3.6.4. Академияның жарғылық міндеттерін іске асыруға жәрдемдесетін ақпараттық қызметтерді көрсету;
3.6.5. Академияның жарғылық міндеттерін іске асыруға жәрдемдесетін, өзі өндіретін жұмыстар, өнімдер мен қызметтерді іске асыру;
3.6.6. қолданыстағы заңнамамен анықталатын тәртіпте оның банктік шоттарына келіп түсетін өзінің ақша құралдарын өздігінен жұмсау;
3.6.7. жарғылық міндеттерді жүзеге асыруға жәрдемдесетін шикізаттар, тауарлар мен басқа материалдарды қолданыстағы заңнамамен анықталатын тәртіпте сатып алу;
3.6.8. ерікті негізде басқа бейкоммерциялық ұйымдармен бірлестіктерге түсу, бейкоммерциялық ұйымдардың бірлестіктерінің, одақтарының қатысушысы болу, басқа бейкоммерциялық ұйымдарды құру;
3.6.9. әртүрлі қызметтердің көрсетілуімен, қолданыстағы заңнамаға қайшы келмейтін жағдайларда шетел ұйымдарының мүдделерін өкілдеу;
3.6.10. халықаралық қоғамдық және бейкоммерциялық ұйымдармен өзге нысанда ынтымақтасу және қызметіне қатысу;
3.6.11. иеленуге қолданыстағы заңнамамен тыйым салынбаған ғимараттар, құрылыстар, тұрғын үй қоры, жабдықтар, керек-жарақтар, теңге мен шетел валютасындағы ақша құралдары, бағалы қағаздар мен өзге мүлікті меншігінде иелену. Академияның меншігінде немесе мерзімсіз пайдалануында жер телімдері бар;
3.6.12. иелігіндегі ғимараттар, құрылыстар, жабдықтар, көлік құралдары, керек-жарақтар, шикізат және басқа материалдық құндылықтарды басқа кәсіпорындарға, ұйымдарға және мекемелерге сату және табыстау, айырбатау, жалға беру, сондай-ақ оларды теңгерімнен шығынға жазу;
3.6.13. ұлттық кинематографиялық сыйлықты бекіту.
Академия жыл сайын конкурстық негізде лауреаттарды анықтайды және сәйкес қағидамен анықталатын номинацияларда ұлттық кинематографиялық сыйлықты тағайындайды.
3.6.14. аудиокөрнекі өнер түрлері саласындағы ең үздік дипломдық және дебюттік жұмыстар мен өзге жетістіктер үшін, сондай-ақ кино және телевизия саласындағы ғылыми жетістіктер үшін конкурстық негізде өз сыйлықтарын, төсбелгілерін, дипломдар мен т.б. бекітеді және тағайындайды;
3.7. Академия қолданыстағы заңнамамен көзделген жағдайларда және тәртіпте құқықтарында шектеле алады. Академияның құқықтарын шектеу туралы шешімді сот арқылы даулауға болады.
3.8. Айналысу үшін лицензия алу қажет қызметпен айналысу құқығы лицензияны алған сәттен бастап немесе онда көрсетілген мерзімнен бастап туындайды, және заңдармен және басқа құқықтық актілерде келісілген мерзімде тоқтатылады.
3.9. Академия Жарғыда келісілмеген, бірақ қолданыстағы заңнамаға қайшы келмейтін басқа құқықтарға ие бола алады.
3.10. Академия міндетті:
3.10.1. Қазақстан Республикасының заңнамасын, сондай-ақ осы Жарғымен көзделген нормаларды сақтау;
3.10.2. орнатылған тәртіпте салықтар мен бюджетке төленетін басқа міндетті төлемдерді жүргізу;
3.10.3. өз міндеттемелері бойынша өзіне тиесілі мүлкімен жауап беру;
3.10.4. Қазақстан Республикасының заңнамасына сәйкес жауап беру;
3.10.5. өз мүшелеріне олардың құқықтары мен мүдделерін қозғайтын құжаттармен және шешімдермен танысу мүмкіндігін қамтамасыз ету;
3.10.6. тұрақты әрекет етуші басқарушы органның орналасқан жерінің және басшылар туралы деректердің өзгеруі туралы Бизнес-сәйкестендіру нөмірлерінің ұлттық тізілімге енгізілетін мәліметтер көлемінде тіркеуші органға хабарлау.
3.11. Кез келген заңды және жеке тұлғалардың Академияның ішкі істеріне араласуына, дәл осылай бұл тікелей көзделген жағдайлардан өзге, басқа заңды және жеке тұлғалардың қызметіне Академияның араласуына тыйым салынады.

4. Мүшелік, Академия мүшелерінің құқықтары мен міндеттері

4.1. Академияның мүшелері:
— Академияның Жарғысын мойындайтын және сақтайтын, мүдделері үшін Академия құрылған мақсаттараға қол жеткізу мен міндеттерді шешуге қатысатын және жәрдемдесетін және қажет салымдарды уақытылы салған Қазақстан Республикасының азаматтары, шетелдіктер мен азаматтығы жоқ тұлғалар;
— қатысуы қолданыстағы заңнамаға қайшы келмейтін, Академияның жарғылық мақсаттарын көздейтін, оның жарғылық міндеттерін іске асыруға жәрдемдесетін және қажет салымдарды уақытылы салатын, ұйымдық-құқықтық нысаны мен мәртебесінен тәуелсіз заңды тұлғалар.
4.2. Академияның құрылтайшылары Академияның мүшелері болып табылады.
4.3. Академияның мүшелігіне қабылдау Академияға қосылғысы келетін тұлғаның өтінішінің негізінде Академия Президиумының шешімі бойынша жүргізіледі.
4.4. Заңды тұлғалар Академиядағы мүшелігін өздерінің уәкілетті өкілдері арқылы жүзеге асырады.
4.5. Академиядағы мүшелік оның мүшелеріне олардың негізгі және кез келген басқа қызметінде ешқандай шектеулер салмайды.
4.6. Академияның мүшелері:
— Академияның істерін басқаруға қатысуға;
— Академияның қызметі туралы ақпарат алуға;
— өзінің қарауынша, қолданыстағы заңнамамен анықталған тәртіпте Академиядан шығуға;
— Академияның сабағаттық, ақпараттық және өзге қызметтерін пайдалануға;
— Академиямен өткізілетін іс-шараларға, атап айтқанда семинарларға, конференцияларға және т.б. қатысуға;
— Академияның және оның органдарының жұмысын жақсарту жөніндегі ескертулер мен ұсыныстар енгізуге;
— олардың мүдделерін қозғайтын мәселелерді қарау кезінде мемлекеттік билік және басқару органдарында Академияның жан-жақты қолдауын пайдалану;
— Академияның жарғылық қызметінің аясында өз мүдделерін қорғау үшін құқықтық және өзге көмекті алу үшін тікелей Академияға жүгіну;
— кәсіби құзыретті арттыру мақсатында Академиядан қажет кеңестер алуға құқылы.
4.7. Академияның мүшелері Жарғымен көзделген және қолданыстағы заңнамаға қайшы келмейтін өзге құқықтарға ие болады.
4.8. Академияның мүшелері ерікті түрде келесі міндеттемелерді қабылдайды:
— Академия Жарғысының ережелерін сақтау және Академияның алдында тұрған міндеттердің шешілуіне жан-жақты жәрдемдесу;
— кіру және мүшелік салымдарды уақытылы төлеу;
— Академияның отандық киноөнерді дамыту жұмысына белсенді қатысу;
— Академияны басқару органдарының шешімдерін орындау;
— Академияға қатысты өзіне қабылданған міндеттемелерін тиісінше орындау;
— Академияның қызметі туралы құпия ақпаратты жарияламау;
— Академияның мүдделерін сақтау;
— егер Академия мүшелері өз мәртебелерінің күшіне орай, Академия мүшелерінің құқықтарын пайдаланып, Академияға моральдік немесе материалдық зиян келтірсе, заңмен орнатылған тәртіпте толық көлемде келтірілген шығындарды өтеу;
— қолданыстағы заңнамаға сәйкес өзге міндеттерді орындау.
4.9. Академия кинематографиялық өнер және ғылыминың дамуына қосқан үлесіне қарай, өз мүшелеріне әртүрлі мәртебелерді бекіту және тағайындауға құқылы. Қабылдау рәсімі, кіру және жыл сайынғы мүшелік салымдардың көлемі, Академия мүшесінің мәртебесін беру тәртібі, Академиядағы мүшелікті тоқтату шарттары Академияның Жалпы жиналысымен бекітілетін қағидамен реттеледі.
4.10. Академияның әр мүшесі өз шешімі туралы шығуынан кем дегенде бір ай бұрын Президиумға жазбаша хабарлап Академиядан шыға алады.
4.11. Өз міндеттерін жүйелері түрде орындамайтынын немесе тиісінше орындамайтыны немесе Академияның мақсаттарына өз күшімен қол жеткізуіне қасақана кедергі келтіретіні бұлтартпайтындай құжаттамалық түрде дәлелденген Академияның мүшесі Академия мүшелерінің Жалпы жиналысының шешімінің негізінде Академия мүшелерінің қатарынан шығарыла алады. Бұл ретте, Академиядан шығарылатын мүше (немесе оның өкілі) дауыс беруге қатыспайды.
4.12. Академия мүшесі Академияның меншігіне табыстаған мүшелік салымдар мен мүлік Академиядан шыққанда немесе шығарылғанда қайтарылмайды, Жарғысына сәйкес Академияның міндеттерін іске асыру мақсаттарында пайдаланылады.
4.13. Академия мүшелері Академияның міндеттемелері бойынша жауап бермейді, ал Академия оның мүшелерінің міндеттемелері бойынша жауап бермейді.
4.14. Академия мүшелеріне орнатылған үлгідегі куәліктер беріледі.

5. Академияны басқару органдары мен олардың өкілеттіліктері

5.1. Академияны басқару органдары:

— Академия мүшелерінің Жалпы жиналысы - жоғарғы басқару органы;
— Академияның Президиумы – атқарушы органы;
— Ревизиялық комиссия - бақылау-тексеру органы.
5.2. Академияның жоғарғы басқару органы жылына бір реттен сирек емес шақыртылатын Академия мүшелерінің Жалпы жиналысы болып табылады, бұдан әрі «Жалпы жиналыс» аталады.
Кезектен тыс Жалпы жиналыс Академия Президиумының шешімі бойынша, сондай-ақ Ревизиялық комиссияның немесе Академия мүшелерінің 1/3 кем емес бөлігінің талабы бойынша шақыртыла алады.
5.3. Жалпы жиналыс өз құрылымы мен жұмыс тәртібін өздігінен анықтайды және Жарғы мен қолданыстағы заңнаманы басшылыққа ала отырып, Академия қызметінің кез келген мәселелері бойынша шешімдер қабылдайды.
5.4. Егер шешуші дауыс беру құқығына ие Академия мүшелерінің жартысынан артық емес бөлігі жеке өзі арқылы қатысса немесе Академияның басқа мүшелерімен өкілденсе, Жалпы жиналыс шешім қабылдауға құқыққабілетті. Жалпы жиналысқа қатысу мүмкін болмаған жағдайда, шешуші дауыс құқығына ие Академияның мүшесі Академияның басқа мүшелеріне өз өкілдігін уақытылы қамтамасыз етуі тиіс. Өкілдік жазбаша түрде тиісінше рәсімделген сенімхатпен расталуы тиіс.
Академияның әр мүшесі Жалпы жиналыста бір дауысқа ие.
Жалпы жиналыстың шешімімен Академияның бір немесе бірнеше мүшелерінің мүдделері тікелей қозғалса, олар (немесе олардың өкілдері (дауыс беруге қатыспайды және олардың дауыстары есепке алынбайды.
5.5. Жалпы жиналыстың әр отырысы күн тәртібінің көрсетілуімен жазбаша түрде факс, электрондық пошта немесе телеграмма арқылы Академияның Президентімен шақыртылады жалпы жиналысқа шақырту оның өткізілуінен кем дегенде екі апта бұрын жүргізіледі. Төтенше жағдайларда Жалпы жиналыстың шақыртылуы туралы көрсетілген мерзімдер мен тәртіптің сақталуынсыз хабарлауға жол беріледі.
5.6. Квроум болмаған жағдайда, Жалпы жиналыстың қайта отырысы, бірақ өтпей қалған жиналыстан кейін 30 (отыз) күннен кешіктірмей жарияланады. Егер оған қатысу үшін шешуші дауыс құқығына ие Академия мүшелерінің 30 % кем емес бөлігі тіркелсе, жиналыс құқыққабілетті болып табылады. Шешуші дауыс құқығына ие Академия мүшелерінің шешімі бойынша кворум қалыптасқан Жалпы жиналыс 30 (отыз) күнге дейінгі мерзімге тоқтатыла алады.
5.7. Егер Академия мүшелерінің ешбірі осындай тәртіпке қарсы шықпаса, Жалпы жиналыс факс, телеграмма алмасу, электрондық пошта арқылы жазбаша түрде шешім қабылдай алады.
5.8. Жалпы жиналыстың отырыстары туралы, отырыстан тыс қабылданған Жалпы жиналыстың шешімдері туралы Академияның Президенті қол қоятын және Академияның барлық мүшелеріне жіберілетін хаттамалар құрастырылады.
5.9. Жалпы жиналыстың айрықша құзыретіне мыналар жатады:
— Академияның Жарғысына өзгертулер енгізу, Жарғыны жаңа редакцияда бекіту;
— Мүшелік туралы қағидада анықталған регламентке сәйкес Академия мүшелеріне мәртебе беру;
— Жалпы жиналыстың рәсімін бекіту;
- Академия қызметінің басым бағыттарын, Академияның мүлкін қалыптастыру мен пайдалану қағидаларын анықтау;
— Академияның Президиумын құру;
— Ревизиялық комиссия мүшелерін сайлау және олардің өкілеттіліктерін мерзімінен бұрын тоқтату;
- Академия Президиумының қызмет нәтижелері туралы есептерді, Ревизиялық комиссияның қызметі туралы есептерді бекіту;
— Академияны қайта құру және тарату және тарату комиссиясын тағайындау;
— Академия мүшелерінің мәртебесі мен этикасын бұзған мүшелерді Академиядан шығару туралы шешім қабылдау;
— Академия Президентін сайлау және оның өкілеттіліктерін мерзімінен бұрын тоқтату;
— жылдық есепті және жылдық бухгалтерлік теңгерімді бекіту.
5.10. Жалпы жиналыс Академияның қызметіне қатысты кез келген мәселелерді, соның ішінде Академия Президиумының және оның Президентінің құзыретіне жатқызылған кез келген мәселелерді шешуге құқылы. Шешімдер Жалпы жиналысқа қатысып отырған, шешуші дауыс беру құқығына ие Академия мүшелерінің көпшілік дауыстарымен қабылданады, ал Жалпы жиналыстың айрықша құзыретіне жататын мәселелер бойынша Жалпы жиналысқа қатысып отырған, шешуші дауыс беру құқығына ие Академия мүшелерінің ¾ дауыстарымен қабылданады. Академияны қайта құру мен тарату туралы шешім бірауыздан қабылданады.
5.11. Академияның атқару органы Академия мүшелерінің қатарынан Жалпы жиналыспен 2 (екі) жыл мерзімге сайланатын Академияның Президиумы болып табылады, бұл әрі - «Президиум». Президиумның сандық және дербес құрамы Жалпы жиналыспен анықталады. Президиумды басқаруды Академияның Президенті жүзеге асырады.
Президиумның құрамына кіреді:
— Академияның Президенті;
— Академияның вице-президенттері;
— Секциялардың академик-хатшылары.
5.12. Егер Президиум мүшесі өз міндеттерін бұдан әрі орындай алмаса, ол Жалпы жиналыстың ең жақын арада өтетін отырысында кооптирленген Президиум мүшелеріні бекітілуімен кооптация арқылы ауыстырылуы тиіс.
5.13. Жалпы жиналыстың отырыстарының арасындағы кезеңде Президиум бұрын Президиум құрамына сайланған Академия мүшелерін кеңес беру дауыс құқығымен Президиум кеңесшілері ретінде шақыртуға құқылы.
5.14. Президиумның отырыстары қажеттілік бойынша, бірақ тоқсанына бір реттен сирек емес өткізіледі. Президиумның отырыстарын өткізу рәсімі Президиумның отырысында Президиум мүшелерінің жалпы санынан қарапайым көпшілігімен қабылданады.
5.15. Кворум Президиум мүшелерінің жартысынан артық бөлігінің отырысқа қатысуы болып есептеледі. Шешімдер Отырысқа қатысып отырған дауыстардың қарапайым көпшілігімен қабылданады, ал дауыстар теңдігі жағдайында – Академия Президентінің дауысы шешуші болып табылады.
Президиумның әр мүшесі бір дауысқа ие. Дауыс беру кезінде отырысқа қатыспаған Президиум мүшесінің жазбаша баяндалған және Президиум отырысының басталуына дейін ұсынылған пікірін есепке алуға жол беріледі. Дауысты Президиумның басқа мүшесіне табыстауға тыйым салынады.
5.16. Президиум өз қызметінде Академияның Жарғысын, қолданыстағы заңнама мен Жалпы жиналыстың шешімдерін басшылыққа алады.
5.17. Президиумның отырыстары Академия Президентінің бастамасы, Президиумнің екі мүшесінің талабы немесе Ревизиялық комисссиясының Төрағасының талабы бойынша шақыртылады.
5.18. Президиумның құзыретіне келесі мәселелерді шешу жатады­:
— Жалпы жиналыстың шешімдерінің орындалуын қамтамасыз ету;
— шығармашылық, ғылыми, оқу-әдістемелік мәселелерді және ғылыми-шығармашылық кадрларды дайындау мәселелерін талқылау үшін конференциялар, кеңестер, семинарларды өткізу;
— филиалдарды құру және өкілдіктерді ашу және олардың қызметін тоқтату;
— филиалдар мен өкілдіктердің бөлім секцияларының, ғылыми және шығармашылық кеңестерінің және басқа ұйымдық бөлімшелерінің жоспарлары мен есептерін бекіту;
— Академия мүшелерінің өздерінің шығармашылық, ғылыми және педагогикалық қызметі туралы есептерді тыңдау;
— Академияның баспа жоспарларын қарау және бекіту, олардың орындалуын қадағалау;
— шетел елдерінің киноакадемияларымен және басқа мәдени, ғылыми және шығармашылық ұйымдарымен мәдени байланыстарды орнату;
— Академияның Жарғысына өзгертулер мен толықтыруларды енгізу жөніндегі ұсыныстарды Жалпы жиналыстың қарауына дайындау;
— ұйымдар мен Академияның лауазымды тұлғаларының осы Жарғының талаптарын сақтауын қамтамасыз ету;
— қаржылық жоспарды бекіту және оған өзгертулер енгізу;
— Академияның басқа ұйымдарға қатысуы туралы шешімдер қабылдау;
— Академия қызметінің стратегиялық бағдарламалары мен бағыттарын әзірлеу және Жалпы жиналыстың бекітуіне ұсыну;
— жылдық және кезектен тыс Жалпы жиналыстарды шақырту туралы шешім қабылдау;
— кіру және мүшелік салымдардың көлемі, оларды салу мерзімдері мен тәртібі туралы шешім қабылдау;
— Жалпы жиналыстың күн тәртібін бекіту;
— Ревизиялық комиссияның жылдық және кезектен тыс тексерулері туралы есептерді тыңдау;
— Құрметті Президент лауазымын бекіту, Құрметті Президентті сайлау және оны лауазымынан босату;
— Президентпен ұсынылған үміткерлер арасынан Академияның Вице-президенттерін сайлау;
— Академияға жаңа мүшелерді қабылдау туралы шешім қабылдау;
— Академиядағы мүшелікті растайтын құжаттардың берілуін ұйымдастыру;
— Жалпы жиналыстың айрықша құзыретіне жатпайтын басқа мәселелерді шешу.
5.19. Академияның Президенті Академия мүшелерінің қатарынан 2 (екі) жыл мерзімге Жалпы жиналыспен сайланады және өз құзыретінің шегіне қарай:
— Жалпы жиналыс пен Президиумның жұмысын басқарады;
- жылдық және төтенше Жалпы жиналыстарды, Президиумның отырыстарын шақыртады;
— Жалпы жиналыстың шешімдерін және оның отырыстарының хаттамаларына қол қояды;
— Жалпы жиналыс пен Президиум шешімдерінің орындалуын қадағалауды ұйымдастырады;
— секция мүшелерінің кеңестері бойынша академик-хатшыларды тағайындайды;
— үшінші тұлғалармен және мемлекеттік органдармен қарым-қатынастарда, сондай-ақ бұқаралық ақпарат құралдарында Академияның мүдделерін өкілдейді және қорғайды;
— Академиядағы мүшелікті растайтын құжаттарға қол қояды;
5.20. Президент өз міндеттерін орындауын мерзімінен бұрын тоқтатқан жағдайда, Президенттің міндеттерін атқарушы Президиуммен өз құрамынан немесе Президиумның құрамына кірмейтін Академия мүшелерінің қатарынан сайланып, Жалпы жиналыстың жақын арада өтетін отырысында бекітіледі.
5.21. Вице-президенттердің құзыретіне мыналар жатады:
— Академия қызметінің жекелеген бағыттары бойынша Академияның функцияларын орындау және міндеттерінің шешілуін үйлестіру;
— Президиуммен белгіленген жекелеген бағдарламалардың орындалуын ұйымдастыру;
— Президент болмаған жағдайда, Академия Президентінің міндеттерін оның өкімі бойынша орындау.

6. Бақылау-тексеру органы

6.1. Академияның қаржы-шаруашылық қызметіне тексеру жүргізу үшін Жалпы жиналыс 2 (екі) жылдық өкілеттіліктер мерзіміме 3 (үш) мүшеден тұратын Ревизиялық комиссияны сайлайды.
6.2. Ревизиялық комиссияның барлық мүшелері Академияның басқарушы және атқарушы органдарына кіретін тұлғалар сайлана алмайды.
6.3. Ревизиялық комиссия өздігінен Төрағаны сайлайды және жылына 1 (бір) реттен сирек емес отырыстарын өткізеді.
6.4. Ревизиялық комиссия қоғамдық бастамаларда жұмыс істейді. Тексерулердің жүргізілуімен байланысты барлық шығындарды (мамандар, кеңесшілер мен т.б. тарту бөлігінде) Академия көтереді.
6.5. Ревизиялық комиссия:
— Академия мүшелерінің жүгінулерінің қаралу және істердің Академияны басқару органдарында, ведомстволық кәсіпорындарда, мекемелерде ілгерілеу уақытылылығы мен дұрыстығын және Академияның қаржы-өндірістік қызметін тексереді.
— Академияның жоғары тұрған органдарының және тексерілетін органның шешімдері мен нұсқауларының орындалуын есепке алу, есептілік және бақылау;
— тексеру нәтижелері бойынша ұсыныстар енгізеді және кеңестер береді;
— ревизиялық комиссияның жұмыс тәртібі мен жоспарын анықтайды.
6.6. Тексерілетін орган Академияның Президиумы болып табылатын жағдайлардан өзге, Ревизиялық комиссия мен тексерілетін органның арасындағы келіспеушіліктерді Академияның Президиумы қарайды.
6.7. Академияның айтарлықтай мүдделеріне қауіп төнсе немесе Академия ның лауазымды тұлғаларының асыра пайдаланушылықтары анықталса, Ревизиялық комиссия кезектен тыс Жалпы жиналыстың шақыртылуын талап етуге міндетті.
6.8. Атқарушы органның қызметін тексеруді Президенттің тапсыруы бойынша немесе өз бастамасы бойынша Ревизиялық комиссия жүргізеді. Тексеру нәтижелерін Комиссия төрағасы Президиумға немесе Жалпы жиналысқа хабарлайды.
6.9. Академияның барлық лауазымды тұлғалары ревизиялық комиссияның сұратуы бойынша қажет ақпарат пен құжаттарды ұсынуға міндетті.
6.10. Ревизиялық комиссия жылдық теңгерім мен есепке қорытындыны дайындайды. Жылдық есеп пен теңгерім Ревизиялық комиссияның қорытындысы болған жағдайда ғана бекітіледі.

7. Академияның секциялары

7.1. Академия шығармашылық, кәсіб және ғылыми қызмет түрлері бойынша секциялар құруға құқылы.
7.2. Секцияларды Академияның Президиумы құраты. Секциялардың құрамы мен олардың тақырыбын Президиум анықтайды.
7.3. Секциялардың қызметі Жалпы жиналыс пен Президиумға бағынышты.
7.4. Секциялар өз жұмысын Президиуммен бекітілген жоспарларға сәйкес ұйымдастырады.
7.5. Секциялардың жұмысын академик-хатшылар басқарады..

8. Қаржы қызметі

8.1. Академияның қаржы жоспарлары әр күнтізбелік жылға құрастырылады, оларда Академияның табыстары мен шығындары көрсетіледі. Академия қызметінің қаржылық нәтижелері жылдық бухгалтерлік есептің негізінде анықталады және Жалпы жиналыспен бекітіледі.
8.2. Академия қолданыстағы заңнамамен орнатылған тәртіпе жедел бухгалтерлік және статистикалық есепті жүргізеді.
8.3. Қаржы жылы күнтізбелік жылға сәйкес келеді. Бірінші қаржы жылы қысқартылған, ол Академияны мемлекеттік тіркеу сәтінен басталады.

9. Академияның ақша қаражаты

мен өзге де мүлкiнiң қалыптастырылу көздерi

9.1. Академияның жеке меншігінде жер учаскелері, ғимараттар, құрылыстар, тұрғын үй қоры, көлік, жабдық, инвентарь, мәдени — ағарту және сауықгыру мақсатындағы мүлік, ақша, акциялар, бағалы кдғаздар жөне Жарғыда көрсетілген Академияның қызметін материалды қамтамасыз ету үшін қажетті басқа да мүлік болуы мүмкін.
9.2. Сондай-ақ, Академияның меншігінде Академияның жарғылық мақсаттарына сәйкес оның қаражаттары есебінен құрьшатын және сатып алынған мекеме, баспа, бұкаралык ақпарат құралдары болуы мүмкін.
9.3. Академияның мүлігі Академия мүшелерінің кіру және мүшелік жарналары, ерікті жарналар және қайырымдылықгар; осы Жарғыға сәйкес өткізілетін лекциялардан, көрмелердең, аукциондардан, мәдени, спорттык, көріністік және басқа да шаралардан түсетін пайда, өндірістік және басқа да шаруашылық қызметтерден түскен табыстар, заңдармен тыйым салынбаған басқа да түсімдер негізінде құралады.
9.4. Мүліктің меншік иесі болып Академия табьшады. Академияның әрбір жеке мүшесінің Академияға тиесілі мүлікке үлес қүқығы жоқ.
9.5. Академия мүлігін басқару мәселелері Академияның Президиумның шешіледі.

10. Жарғыға толықгырулар мен өзгертулер енгізудің тәртібі

10.1. Жарғыға өзгертулер мен толықтырулар Академия мүшелерінің Жалпы жиналысының шешімі бойынша енгізіледі.
10.2. Жарғыға енгізілетін өзгертулер мен толықтырулар заңмен орнатылған тәртіпте мемлекеттік тіркеуге жатады және осындай тіркеу сәтінен бастап заңды күшке ие болады.

11. Академияның қызметін қайта құру және тоқтату

11.1. Академияны қайта құру (біріктіру, қосылу, бөліну, бөлініп шығу немесе тарату) Жалпы жиналыстың шешімімен жүргізіледі.
11.2. Академияның мүлкі оны қайта құрудан кейін Қазақстан Республикасының Азаматтық кодексімен көзделген тәртіпте жаңадан құрылған заңды тұлғаларға көшеді.
11.3. Академия шаруашылық етуші серіктестік немесе акционерлік қоғам түрінде қайта құрыла алмайды.
11.4. Академияны тарату Жалпы жиналыстың шешімімен немесе сот арқылы жүргізіледі. Таратуды Жалпы жиналыспен немесе сотпен тағайындалатын тарату комиссиясы жүзеге асырады. Тарату комиссиясы тағайындалған сәттен бастап оған Академияның істерін басқару өкілеттіліктері көшеді. Тарату комиссиясы Академияны тарату туралы ақпаратты орнатылған тәртіпте жариялайды, аралық және тарату теңгерімін құрастырады және заңнама талаптарына сәйкес басқа шараларды қабылдайды.
11.5. Академияны таратудан кейін, несие берушілердің талаптарын қанағаттандырудан кейін қалған мүлік Академияны тарату туралы Жалпы жиналыстың шешімімен анықталған, осы Жарғыда көрсетілген мақсаттарға бағытталады. Даулы жағдайларда тарату сот шешімі бойынша жүргізіледі. Қалған мүлікті пайдалану туралы шешімді тарату комиссиясы басылымдарда жариялайды.
11.6. Академияның таратылуы аяқталды, ал Академия өз қызметін тоқтатты деп бұл жөнінде мәліметтер Бизнес-сәйкестендіру нөмірлерінің ұлттық тізіліміне енгiзiлгеннен кейiн есептеледi.