2024 жылғы IV «Тұлпар» кинематография

саласындағы ұлттық сыйлығының

РЕГЛАМЕНТІ

1.1. Сыйлық кинематография саласындағы аса үздік жетістіктері үшін және отандық киноны дамытуға қосқан ерекше кәсіби үлесі үшін берілетін кәсіби жүлде болып табылады.
1.2. Сыйлық Альянстың барлық мүшелерінің (Академияның, Одақтың және Лиганың) жасырын дауыс беру қорытындылары бойынша беріледі.
1.3. 2024 жылы сыйлық келесі номинациялар бойынша беріледі:

1. Үздік фильм
2. ТОП 2019-23
3. Үздік режиссер
4. Үздік сценарий
5. Үздік актер
6. Үздік актриса
7. Үздік оператор
8. Үздік суретші
9. Үздік композитор

1.4. «Үздік фильм» номинациясының жеңімпазын Альянс тарапынан Қазақстанның Оскар комитетіне 2024 жылы «International Feature Film» (бұдан әрі – Оскар) санатында Америка киноакадемиясының 97-ші «Оскар» сыйлығына ұсынылатын болады.

2.1. «Үздік фильм» номинациясына қойылатын талаптар Америка киноакадемиясының «International Feature Film» санатындағы ережелеріне сәйкес келеді (сілтеме): Қазақстанда немесе шетелде 2023 жылғы 1 қарашадан 2024 жылғы 30 қыркүйекке дейін бір кинотеатрда кемінде 7 күн қатарынан күнделікті ақылы көрсетіліммен коммерциялық прокатқа шыққан немесе прокатқа шығуға жоспарланған қазақстандық толықметражды ойын, деректі және анимациялық фильмдер. Ұзақтығы 40 минуттан асатын фильм толықметражды фильм болып саналады.
2.2. «TOП 2019-23» номинациясына 2019-2023 жылдары кинопрокатқа шыққан қазақстандық фильмдер қабылданады. Оларға осы регламенттың 2.1-тармағындағы шектеулер қойылмайды.
2.3. Қалған номинацияларға Шортлистке кірген барлық фильмдерді жасаушылар қатысады.
2.4. Ұзақтығы 40 минуттан асатын деректі және анимациялық фильмдер конкурсқа кинопрокатсыз қатыса алады. Бұл жағдайда олар «Үздік фильм» санатынан басқа номинацияларға қатыса алады.
2.5. Қазақстандық кинофильм деп танылу үшін ойын фильмі жалпы саны 20 баллдан кемінде 12 балл, ал анимациялық және деректі фильмдер кемінде 8 балл жинауы керек, ал ол фильм жасаушылар мен шығарылған елдің төмендегідей біліктілік критерийлері бойынша анықталады:

Продюсер – 3 балл
Қоюшы-режиссер – 3 балл
Сценарий авторы – 3 балл
Қоюшы-оператор – 1 балл
Қоюшы-суретші – 1 балл
Композитор – 1 балл
Бас актер – 3 балл
Бас актриса – 3 балл
Қазақстандағы түсірілімдер – 1 балл
Қазақстандағы пост-продакшн – 1 балл

2.6. Мекендеу құқығы бар Қазақстан Республикасының азаматтары мен резиденттері қазақстандық жасаушылар болып танылады.
2.7. 35 немесе 70 мм кинопленкада, не DCP цифрлық пакеті нысанында проекция жылдамдығы 24 к/сек немесе 48 к/сек және ең аз рұқсаты 2048x1080 пиксельді шығарылған фильмдер ғана қарастырылады.
2.8. Фильмді прокатқа әлемдік киноөндіріс талаптарына сай жарнамалық кампания шығаруы керек.
2.9. Кинотеатрларда шыққанға дейін театрлық емес көрсетілім мен дистрибуция алған фильмдер Оскар ережелеріне сәйкес келу мақсатында «Үздік фильм» номинациясынан алынып тасталады. Бұл ереже басқа номинацияларға қолданылмайды. Театрлық емес көрсетілім мен дистрибуцияға төмендегі көрсетілімдер жатады:

• Телевизиялық көрсетілім
• PPV/VOD (кабельді көрсетілім)
• DVD/BluRay шығарылымдары
• Ұшақтардағы көрсетілім
• Ғаламтордағы көрсетілім

3.1. Сыйлықты өткізу үшін Альянс өз мүшелерінің қатарынан Ұйымдастыру комитетін (бұдан әрі – Ұйымдастыру комитеті) құрады.

3.2. Ұйымдастыру комитеті 2024 жылғы 31 шілдеге дейінгі мерзімде Сыйлықтың сайтында фильмдерді қабылдаудың техникалық рәсімін тестілейді (сілтеме).

33.3. 2024 жылғы 1 тамыздан кешіктірмей Ұйымдастыру комитеті осы Регламенттің екінші бөлімінің (бұдан әрі – Лонглист) біліктілік талаптарына сай келетін фильмдерді кеңінен қабылдау туралы хабарлайды.
3.4. Жүктелетін фильмдердің форматы: H.264 компрессиялы MP4. Құқық иеленуші өз қалауы бойынша суретке өзінің сутаңбасын орналастыра алады (сілтеме).

3.5. Сонымен қатар, Ұйымдастыру комитеті Альянс мүшелерін Сыйлықтың сайтында құпия сөзбен қолжетімді болатын жеке кабинеттерін тіркеуге фильмдерді көру және кейіннен сілтемелер бойынша дауыс беруді жүзеге асыру үшін шақырады: Академия, Одақ, Лига.

3.6. Фильмдер vimeo.com жабық серверінде орналастырылып, Альянс мүшелерінің жеке кабинеттерінде олардың салынуына қарай әліпбилік тәртіппен пайда болады. Ұйымдастыру комитеті сыйлық сайтының жеке кабинеттерінен тыс ашық көру үшін фильмдердің қолжетімсіздігіне және олардың жүктелуден қорғалуына кепілдік береді.
3.7. Ұйымдастыру комитеті 2024 жылғы 20 тамыздан кешіктірмей Кинотанушылар мен киносыншылардың, кинопрокат және киносеталар өкілдерінің, сондай-ақ Тикетон қызметкерлерінің Сараптамалық кеңесін (бұдан әрі – Кеңес) қалыптастырады.
3.8. Кеңес Лонглистке түсетін фильмдердің ішінен олардың Регламент талаптарына сәйкестігін, көркемдік құндылығын, фестивальдік және көрермендік табысын бағалай отырып, ұсынымдық тізім жасайды (бұдан әрі – Шортлист).
3.9. Лонглистке фильмдерді қабылдау 2024 жылғы 30 тамызда 12 сағат 00 минутта аяқталады.

3.10. 2024 жылғы 30 тамызда Ұйымдастыру комитеті мен Кеңес Шортлистті онлайн және оффлайн түрде бірлескен отырыста бекітеді. Отырыста Ұйымдастыру комитеті мен Кеңес төрағаларының қолы қойылған хаттама жүргізіледі.

4.1. Номинанттар мен жеңімпаздарды анықтауды Альянстың барлық мүшелері Шортлистке түскен фильмдердің ішінен жеке кабинетте жасырын электрондық дауыс беру арқылы жүргізеді.
4.2. Ұйымдастыру комитеті дауыс берушілердің жеке таңдауының толық құпиялығын сақтай отырып, RankedVote жүйесі бойынша дауыс беру рәсімінің нақтылығын қамтамасыз етеді.
4.3. Дауыс беру 1 қыркүйекте 12 сағат 00 минутта ашылады және 2024 жылғы 15 қыркүйекте 18 сағат 00 минутқа дейін өткізіледі.
4.4. Альянс мүшелері әр номинация бойынша үш үздік үміткерді жоғарыдан төмен қарай таңдайды: 1 орын, 2 орын және 3 орын.
4.5. Дауыс беру аяқталғаннан кейін фильмдердің барлық көшірмелері жабық серверден жойылады және жеке кабинеттерден өшіріледі.
4.6. 2024 жылғы 15 қыркүйекте 18 сағат 00 минутта дауыс беру нәтижелеріне өзіндік кілті бар тәуелсіз аудиторлық компания RankedVote алгоритмі бойынша әр номинацияда ең көп дауыс алған бес номинантты және олардың арасынан бір жеңімпазды тіркейді.
4.7. 2024 жылғы 16 қыркүйекте 12 сағат 00 минуттан кешіктірмей аудиторлық компания Ұйымдастыру комитетіне әрбір санаттағы номинанттардың тізімін әліпбилік тәртіппен хабарлайды және олардың жинаған дауыстары мен жеңімпаздарын көрсетпейді.

4.8. Ұйымдастыру комитеті дәл сол күні номинанттардың тізімін Сыйлықтың сайтында ашық түрде орналастырады.

5.1. Дауыстарды санау хаттамасы әр номинация бойынша Сыйлықтың жеңімпаздарын жариялау сәтіне дейін аудиторлық компанияда желімделген түрде сақталады.
5.2. Жеңімпаздарды жария ету баспасөз конференциясында немесе салтанатты рәсімде 2024 жылғы 21 қыркүйектен кешіктірілмей, аудиторлық компания берген конверттерді ашу жолымен жүргізіледі.
5.3. Жеңімпаздарды жария еткен кезде нотариус куәландырған электрондық дауыс беру нәтижелерін басып шығаратын хаттамалар аудиторлық компаниядан Альянсқа сақтауға береді. Хаттамалар әрбір дауыс берушінің жеке таңдауы туралы ақпаратты қамтымайды.
5.4. Сыйлықтың жеңімпаздары мен номинанттарына Альянстың бірінші басшыларының қолдары қойылған сертификаттар тапсырылады. Сертификаттарға қосымша Альянс мүсін түріндегі сыйлықтар жасай алады.
5.5. Сыйлық демеушілері Шортлист пен Лонглистегі кез келген фильмдерге өз сыйлықтарын тағайындауға құқылы.
5.6. Лауреат фильмдердің продюсерлері мен таратушылары алған Сыйлықты фильмнің жарнамалық материалдарында көрсете алады, мысалы плакаттар, афишалар, журналдар, газеттер және ғаламтор желісіндегі жарияланымдар, промо-роликтер, трейлерлер және т.б.

5.7. «International Feature Film» санатында фильмді «Оскар» сыйлығына ұсыну үшін белгіленген барлық техникалық рәсімдерді Қазақстан кинематографистер одағы қарауындағы Оскар комитеті жүзеге асырады.